Juoigan ja juovkagándil čuodjaba ovttas ođđa musihkas

Sámi juoigi Ánnámáreha ja árbevirolaš suopmelaš čuojanasa juovkagándila (suom. jouhikko) čuojaheaddji Ilkka Heinosena duo ovttastahttiba guokte árbevieru oktii. Sudno musihkas árbevierut ja dáid ođđa dulkon suddaba oktii nu ahte dološ ja daláš gulloba oktanaga. Soai leaba bargan musihka ovttas juo badjel guoktelogi jagi. ”Go vuosttaš háve iskkaimet bidjat dáid guokte jiena oktii, gulahalle munno soundat ovttatmano bures.” Ánnámáret muitala.

Válborbeaivve duo almmustahttá sudno vuosttaš singela Čoarveoaivvi. Dat lea boares luohti, man Ánnámáret juoigá iežas persovnnalaš juoiganjienain. Ilkka Heinonen vástida juoigamii sihke ritmmalaš ja melodiijalaš vugiiguin. ”Duo lea áidnalunddot vejolašvuohta dutkat oktasaš sounda muhto maiddai musihkalaš vuorrováikkuhusa.”, Heinonen suokkardallá.

Čoarveoaivi

Singel almmustahttojuvvo 1.5.2026 buot streamenbálvalusain.

Dahkkit:

Ánnámáret, juoigan

Ilkka Heinonen, juovkagándil

Šuokŋa ja dajahusat: trad.

Heivehus: Ánnamáret & Ilkka Heinonen

Bádden ja miksen: Ilkka Heinonen

Mastereren: Ilkka Heinonen

Video: Ville Tanttu

Bearbmagovva: Paula Susitaival

Čuovgagovva: Ville Tanttu